منتدي نقاش الحب

منتدي نقاش الحب

منتدى النقاش فى جميع المجال قسم خاص بصيانة الموبايلات وقسم خاص لهواة السمك وكل ما يخص ادوات الصيد
 
الرئيسيةالتسجيلنقاش الحباليوميةالأحداثالمنشوراتس .و .جبحـثدخولالتسجيل

شاطر | 
 

 كلمة بحبك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاطف البنا
الاشراف
الاشراف


الجنس : ذكر
برج : العذراء
عدد المساهمات : 121
معدل النشاط : 3250
السٌّمعَة : 10
العمر : 34
العمل/الترفيه العمل/الترفيه : مدخل بيانات فى شركة ART

مُساهمةموضوع: كلمة بحبك   الأحد يونيو 20, 2010 12:05 pm

بسم الله الرحمن الرحيم
انا بشكر كل اللى رد على الموضوع السابق
الموضوع بتاع النهاردا
( كلمة بحبك )
كتير مننا بيقول ويعيد كلمة بحبك ( صبح وليل ) زى ما يكون علاج بيأخده بانتظام
اوك مفيش اى مشكلة
بس ايه معنى كلمة بحبك
نبدأ الموضوع من الاول
الحب : هو شعور جميل وكتير مننا بيحس الحب ده .
زى حب الطفل ( لوالده – لوالدته ) حب الصديق ( لصديقه ) حب الصديقة ( لصديقتها )
حب الولد ( لفتاة الاحلام ) حب البنت ( لفارس الاحلام )
كلنا بنرسم صورة جميلة للى بنحبه
طيب ايه هو الحب :
الحب احساس جميل جدا وعلى فكره عشان كدا هو بيحس بيه ناس معينة زى ما بيقولوا الناس الصفوه
الشاب يفضل يقول ويعيد للبنت ( انا بحبك وانا مقدرش استغنى عنك ومن غيرك اموت والكلام اللى انتو عارفينه )
البنت بترد علية بنفس الكلام
ولو جيت دورت فى الموضوع او لو اللى بيتكلموا عن الحب دوروا من داخلهم هيلاقى ان دول كلمتين بقولهم وخلاص
الولد عشان يظبط البنت والبنت عشان تظبط الولد ( مجاملة )
اسف ياجماعة انا مش بتكلم عن كل الولاد او كل البنات بس فى نسبة بتبقى ضعيفة جدا هى اللى بتكون صادقة ( الحب الصادق )
انا هعرض بعض الامثلة اللى انا شوفتها بعينى
مثلاً : فى لد انا اعرفه عنده تقريبا 17 سنة دا اذا مكنش اصغر من كدا
طول النهار ماسك التليفون وعامل فيها روميو ( وبحبك وانا رايح انتحر ومش قادر اعيش من غير )
طاب حد يقولى ولد عنده 16 سنة يعرف يعنى ايه حب ، المشكلة ياجماعة ان الحاجات دى بتبقى ناتجة عن مشاكل فى الاسرة
البيت طول النهار فيه خناقات ومفيش امان فى البيت ومفيش راحة نفسية .
يروح الولد او البنت يدور على الحب والحنان اللى فقده فى البيت ويدور علية بره والمشكلة ان لما بيدور علية بره بتحصل مشاكل
طاب : لما هو مش لاقى الحنان والامان فى البيت هل هيلاقيهم بره . انا بصراحة لا اعتقد .
ويفضل الولد اللى انا بكلمكم عنه يروح النت ويعمل شات مع البنت .
الحوار بيدور ازاى
البنت بتقول : حبيب روح نام انت تعبت النهاردا
الولد بيقول : لا مش رايح انام
البنت : ليه ياحبيى
الولد : ملكيش فيه
البنت : طاب انا زعلتك .
الولد : ايوة
البنت :ايه اللى حصل
الولد : انا مش فلتلك متروحيش الفرح وانتمى نشفتى دماغك ورحتى .
البنت : طاب متزعلش منى
الولد : ملكيش فيه
طبعا الحوار ده كله فى النت
سعادة البيه فاكر نفسه راجل وبيحكم على البنت هو اساسا مفيش اى حاجة تربطهم ببعض غير انه قالها انه بيحبها
تيجى ازاى دى
الولد ياعينى : كتر خيره . جايب لتر بيبسي وعلبة سجائر وقاعد يشرب ويسكر وعامل نفسه زعلان
والبنت مقطعة روحها من العياط عشان هو زعلان ومش راضى يروح ينام
مثال اخر : شاب جامعى
الحب عنده دلفرى : بمعنى أية
يشوف البنت معاه فى الجامعة ا وفى اى حته تانى
يفضل وراها يكلمها باسم الحب لغاية ما تستجيب . اول ما تستجيب التليفون مش بيتكلم 24 ساعة لا قول 48 ساعة فى 24 ساعة
وبحبك وانا هتجوزك والبيت بتاعنا هيكون كذا ومش عارف اية
اسف ياجماعة انا مش بعيب على البنات
البنات فيهم ناس محترمة كتير جدا
بس المشكلة ان الشاب بيستعمل الكلمة ( بحبك ) استعمال غلط عشان يوقع بنت او كدا يعنى .
مثال اخر
انا مثلا لما كنت فى المعهد بتاع الكمبيوتر كنت بشوف حاجات غريبة ممكن تكون غريبة عشان ان من الصعيد ومش واخد على الحاجات دى
انا على فكرة المعهد بتاعى كان فى دمياط
بس كانت فى مواقف بتحصل قدامى بصراحة انا كنت بحرج منها .
المهم انا خرجت الموضوع . نرجع لموضوعنا تانى
ايه هو الحب :
الحب احساس حلو قوى ( زى القضاء المستعجل ) بيجى للواحد من غير ما يكون مرتب ليه او حتى يكون بيفكر فيه او حتى يكون عامل حسابه بس بيجى وخلاص
اللى انا عاوز اقوله فى ناس كلمة بحبك عندهم عاملة زى ( السلام عليكم )
المشكلة دلوقتى ان كلمة بحبك اصبحت مرتبطة بالجمال .
البنت جميلة يبقى هحب دى . لو شاف بنت اجمل منها طاب اسيب دى واروح احب دى لو شاف بنت اجمل لا اسيب دى واروح احب دى
فاكر نفسه ( هارون الرشيد )
مش عارف انا أية اللى بيحصل
انا اعتقد فى الأيام اللى جاية هيخلو الحب نظام زرار تضغط علية يشتغل الحب . إحنا فى عصر السرعة .
او ممكن يخلوه نظام كروت
كارت حب 10 دول الناس الفقراء .
كارت حب 20 دول الناس المبتدئين .
كارت حب 100 دول بقى الناس المعلمين .
اسف ياجماعة بس المواقف دى حصلت قدامى
الرجوع الى أعلى الصفحة اذهب الى الأسفل
وليد الشبراوى
الاشراف
الاشراف


الجنس : ذكر
برج : السرطان
عدد المساهمات : 38
معدل النشاط : 3094
السٌّمعَة : 7
العمر : 35
العمل/الترفيه العمل/الترفيه : محاسب

مُساهمةموضوع: رد: كلمة بحبك   الأحد يوليو 04, 2010 1:37 pm

حرام عليك يا عاطف
الرجوع الى أعلى الصفحة اذهب الى الأسفل
امين
عضو ذهبي
عضو ذهبي


الجنس : ذكر
برج : الاسد
عدد المساهمات : 55
معدل النشاط : 2982
السٌّمعَة : 2
العمر : 32

مُساهمةموضوع: رد: كلمة بحبك   الإثنين يوليو 19, 2010 4:32 pm

شكرا لك
الرجوع الى أعلى الصفحة اذهب الى الأسفل
 
كلمة بحبك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نقاش الحب :: المشاكل الرومانسية-
انتقل الى: