اى حاجة

موضوع: اى حاجة الأحد يونيو 06, 2010 7:41 pm

بسم الله الرحمن الرحيم
نبدأ الرحلة مع احدى مشاكل الحياة
اولا المشكلة الاول : اختيار شريك العمر
كتير منا بيحلم انه يلاقى شريك حياته ( زى ما بيقولو النص الحلو )
الشاب : بيحلم انه يلاقى الانسانة اللى تشاركة همومه وافراحة واحزانه انسانه لما يقعد معاها وينظر فى وجهها يستريح يرمى كل همومة ( زى ما بيقولة على عتبه بيتها )
البنت : بتحلم انها تلاقى فارس الاحلام ( زى ما بيقولو يخطفها على حصان ابيض ، يطير بيها فوق السحاب ، يحسسها بالحنان والدفء ، ويبقى عطوف وحنين ، بتحلم انها تلاقى الانسان اللى قبل ما تنطق بحاجة يكون عرفها من نظرة عنيها من همسة من لفته ) بس للاسف دة بيبقى وهم سواء من عند الشاب او من عند البنت .
لان بصراحة الاعلام صورة الحياة الاسرية والحب بانها ( اى حاجة وخلاص تيك اوى وممكن يطلب دليفرى ) وكمان المطربين صورا للشباب انى الحياه وردى . انا معاك ان الحياه مش وردى . بس احنا لو احسنا الاختيار هتكون الحياه دى وردى .
خلصنا دلوقتى من كل الكلام الحلو
ندخل على النكد ( زى ما بيقولو )

فى الاول
الشاب او البنت
بتشوف الشاب او بيشوف البنت
بيحسوا بأحساس غريب . اول مرة طبعا بيدق القلب . بتبقى الدنيا وردى والحياه كلها حلوة
بنقول هو دة
خلاص انتهينا من موضوع النظرات . تمام اوى لغاية كدا .
بندخل فى مرحلة تانية جديدة
وهى التعرف عن قرب اكتر
ناخد رقم التليفون ونفضل نحب طول الليل والاحلام بتبقى حلوة والكلام كتير اوى .
لغاية كدا الشاب او البنت اعترفوا بالحب بتاعهم والحمد لله فى صدق فى الحب دة .
ندخل لمرحلة التقدم الى الاهل والتعارف على الاقارب ( زى ما بنقولو خطوبة )
لغاية دلوقتى الدنيا ماشية حلوة .
اول صدمة بيتصدمها الشاب او البنت بس بيكون الشاب اكتر لانه بيبقى فى وضع لا يحسد علية
اول ما يقعد مع والد البنت : ويقوله ياعمى انا عاوز اخطب بنتك .
وهنا تبدأ تتكسر الاحلام على صخرة الواقع . الذى لم يكن متوقع فى الحسبان .
والد البنت : وماله ياحبيبى احنا يزيدنا شرف انك تناسبنا .
الشاب طبعا : الله يخليك ياعمى ( وقلب الشاب هيطير من الفرح خلاص الحلم بتاعه خلاص بدأ يتحقق )
دى طبعا المقابلة الاولى : المجاملات والتجمل وبس مش اكتر من كدة .
المقابلة الثانية : بيروح الشاب يزور اللى هيبقوا نسايبه وعشان يتعرف اكثر عليهم
المقابلة التانية بتكون من اللى قاعدة ومستنياه ( الام )
واذا ذكرت الام ( يذكر الحنان والرحمة والشفقة والحاجات اللى انتوا عارفينها )
بس بيبقى العكس خالص .
ونبدأ التعارف وربنا يكرمك ان يكون للعروسة اخ ( الله يكون فى عون اللى راح يخطب وطلع عن العروسة اخ دى مصيبة لوحدها ) ( كارثة )
( دى من وجه نظرى الشخصية ) الله اعلم انتم غيرى يمكن
خلصنا المجاملات لحد هنا
ندخل فى الجد
عاوزين 30.000 الف دهب للعروسة
عاوزين مش عارف ايه
وشقة تكون برا البيت مش فى بيت ابوك
الشاب ياعينى بيكون موظف اخره 300 جنية مرتب
هيعمل ايه
طبعا احنا عارفين كل الحاجات دى والمشاكل اللى بتحصل فى الزواج
بس احنا نسينا اهم حاجة
1- الدين والخلق
هل واحد لما راح يخط والد العروسة سأله انت بتصلى ، بتصوم ، حافظ كام سورة فى القرآن .
حد يجاوبنى .
الاجــــــــــــــــــــابه ( لا طبعا )
محدش بيسأل عن الحاجات دى . اهم حاجة انت شغال ايه وبتقبض كام فى الشهر .
عندك املاك . عند مشروع بتديريه .
محدش بيسأل طاب لو شغال وظيفة بمرتب عالى فى الشهر هل الفلوس اللى بياخدها دى حلال ولا حرام .
يمكن يكون شغال فى شركة المشروبات الكحولية . يمكن يكون شغال فى شركة السجائر . هل فلوسه كدا حلال وفرحانين انهم خلاص لقوا العريس اللى ما يتعيبش
دة بيقبض بالدولار وشغال فى الغردقة
طاب شغال ايه
منعرفش ولا عاوزين نعرف المهم انه هيعيش بنتنا فى مستوى حلو
وانت تضمن منين انه الفلوس الكتير دى متكنش دى اساسا اس الفساد
لو كان فى حب الفلوس الكتير تضيعة
لو كان فى ود الفلوس الكتير تدمرة
حاجة تانى لما الام اتزوجت الاب جاب لها بكام دهب
جاب الصالون منين
جاب السفرة من عند مين ( يكون جابها من ايطاليا )
الزوجة ( اللى هى الام ) جابت صينى ولا جابت اطباق الومنيوم ، والبوتجاز ولا جابت بابور نحاس )
المشكلة ياجماعة اننا عاملين زى المثل اللى بيقول ( اقرع ونزهى )
حل المشكلة دى ايه
1- انك لما تدخل بيت ياما تكون قد البيت اللى انت داخلة ياما تاخدها من قصيرها
2- والله انا موظف بمرتب مثلا كد كدا والله انا هجيب كذا
لما يدخلك الشاب متجبرهوش على ان يجيب اكثر من طاقتة كدا ظلم ليك وللشاب

اسف ياجماعة انى عكرت عليكم مزاجكم
بس دة الواقع
لو غلطان حد يرد عليا ويقولى انت غلطان

موضوع: رد: اى حاجة الأربعاء يونيو 09, 2010 7:09 pm

يا سلام عليك انت قولت الكلام الى خانقنى بجد هو فعلا بيحصل كدة

بس والله الواحد نفسه فى المشاكل دى تتحل علشان نسبه العنوسه الى فى البلد

اصل الاهل اغلبيته ما بيفكرش الا فى الفلوس ونسيو هم اتجوزو ازاى

موضوع: رد: اى حاجة الأحد يونيو 20, 2010 1:56 am

انا اعرف ناس عندهم نفس المشاكل دى وياريت كل المشاكل دى تتحل

موضوع: رد: اى حاجة الجمعة يوليو 23, 2010 9:50 pm

شكرا

زائر

شكرا ليك يا فنان